माझिया प्रियाला, प्रीत कळेना...
माझिया प्रियाला, प्रीत कळेना,
अनुराग त्याचा माझा, हाय रे जुळेना...
पावसात भिजतो श्रावण, सुखाचा महीना,
आवरू मनाला कैसे, मला ते जमेना,
मुकी नेत्रभाषा त्याला, कळूनी वळेना,
माझिया प्रियाला, प्रीत कळेना...
यौवनात सुकते काया, दुःख आवरेना,
वेदना उरीची छेडी मुक्या भावनांना,
स्पर्श गोड अजुनी त्याचा, सुखाचा मिळेना,
माझिया प्रियाला, प्रीत कळेना...
वसंतात नाही बोले, श्रावणात नाही,
कठोरास माझ्या मनिचे, कळेनाच काही,
रात रात शिणती डोळे, पापणी ढळेना,
माझिया प्रियाला, प्रीत कळेना...
माझिया प्रियाला, प्रीत कळेना
अनुराग त्याचा माझा, हाय रे जुळेना...
