माझिया प्रियाला, प्रीत कळेना...
![](https://blogger.googleusercontent.com/img/b/R29vZ2xl/AVvXsEi5e-0ywB7RxLL9uCtOa5USaQLgsUEMpWiGDy4vhF2GDvuAGpS4Sq1VcRt90D40qyUsQAogpojuatu_SnJNAiijR6t5GUEutmtnIVOhlNb0mOpFFAzue9oTPOEL0vKuCtph8BoKFPXGWL4/s320/Majhiya-Priyala-Preet-Kalena-new-wallpapers-pics-794273.jpg)
माझिया प्रियाला, प्रीत कळेना,
अनुराग त्याचा माझा, हाय रे जुळेना...
![](https://blogger.googleusercontent.com/img/b/R29vZ2xl/AVvXsEihYfMNudJoPrXxqElYVWA3bK4ZPpP7iJsvpkndaPJt2PLfOnjakHQ82Z4WDXn03g1d8CBvzAOHPphYl_G1bffYmjGmTKd4T-bJE8j4Zy_wDB5ubPz3tCsjbTOTFtEPU0vnLF0P1X-enVQ/s320/Majhiya-Priyala-Preet-Kalena-new-wallpapers-pics-2-795223.jpg)
पावसात भिजतो श्रावण, सुखाचा महीना,
आवरू मनाला कैसे, मला ते जमेना,
मुकी नेत्रभाषा त्याला, कळूनी वळेना,
माझिया प्रियाला, प्रीत कळेना...
![](https://blogger.googleusercontent.com/img/b/R29vZ2xl/AVvXsEiVxN9YCPw02EUHx55nwd09G8rF5PC27HxRhXsS9MeNSBeNSbZG48EI1tzdHtbfGZSfo1zu-nTUVB-IXxsf0HjZ5_vGbkFn6VLrNTM-Y7s2KhqybJ1vV68Sx7u2S4e57TsGTj4PFFUoM4M/s320/Majhiyaa-Priyaalaa-Preet-Kalenaa-new-wallppers-pics-3-796248.jpg)
यौवनात सुकते काया, दुःख आवरेना,
वेदना उरीची छेडी मुक्या भावनांना,
स्पर्श गोड अजुनी त्याचा, सुखाचा मिळेना,
माझिया प्रियाला, प्रीत कळेना...
![](https://blogger.googleusercontent.com/img/b/R29vZ2xl/AVvXsEiA1iXVTf3KGNmsMOWC4Jhv8kI34COa5nNFoh6ewh92hv91zeefttOGoBfY_VOMLMHIC2QXdyQdmcbDIiUvKNWx8r1veapWHPebvlo0SmzhzNf40i8hwAmNE_KethoziP2JzdgGK3XBEGw/s320/Mazhiya-Priyala-Prit-Kalena-new-wallppers-pics-4-797022.jpg)
वसंतात नाही बोले, श्रावणात नाही,
कठोरास माझ्या मनिचे, कळेनाच काही,
रात रात शिणती डोळे, पापणी ढळेना,
माझिया प्रियाला, प्रीत कळेना...
माझिया प्रियाला, प्रीत कळेना
अनुराग त्याचा माझा, हाय रे जुळेना...